🔻 “საოცრად კარგი ადამიანი იყო. ჩემმა რძალმა აღზარდა ოთხი ობოლი შვილი და ორი კიდევ საკუთარი ბიოლოგიური შვილი… ჩემმა ძმამ პირდაპირ თქვა თავის მეზობელზე – ამან მომიკლა ცოლიო” – რას ჰყვება ოზურგეთში სასტიკად მოკლული ქალის ქმრის ძმა? – ვრცლად იხილეთ კომენტარებში ⤵️

28 აგვისტოს, ოზურგეთის მუნიციპალიტეტის დაბა ნასაკირალში მოხდა. 63 წლის მარგო ზოიძე-გიორგაძე, საკუთარ სახლში სასტიკად მოკლეს. არსებული ინფორმაციით, მას 60 ჭრილობა დანით აქვს მიყენებული, რის შემდეგ მკვლელი ბინიდან გაიქცა. მკვლელობის მოტივად ყაჩაღობა სახელდება. ერთ-ერთი ვერსიით, 28 აგვისტოს, გვიან ღამით, ბრალდებული გოგიტა ელიაძე გიორგაძეების ბინაში ფანჯრიდან შევიდა, მას სახლში გაყიდული თხილის თანხა ეგულებოდა. სავარაუდოდ, მამაკაცის ბინაში შესვლა საძინებელში მყოფმა ქალმა გაიგონა, მან იცნო დამნაშავე…

ბრალდებულს ფული არ წაუღია, ის ისე გაიქცა, რომ შემთხვევის ადგილზე უამრავი კვალი დატოვა. უფრო მეტიც, ადგილობრივების ინფორმაციით, ამ სასტიკი დანაშაულის ჩადენის შემდეგ ელიაძე ჭირისუფლისა და მეზობლების გვერდით ტრიალებდა და ისე იქცეოდა, თითქოს წუხდა მომხდარზე. თუმცა ბინაში დატოვებული მტკიცებულებების შესწავლამ პოლიცია მასთან მიიყვანა. როგორც მოკლულის ახლობლები ჩვენთან საუბარში ამბობენ, ტრაგედიის ადგილზე აღმოჩენილ ხელთათმანზე ბრალდებული კაცის დნმ აღმოჩნდა.

ადგილობრივების თქმით, ბრალდებული ადრე ნასამართლევია. ის ერთხელ მეზობლის სახლის ქურდობის ბრალდებითაც დააკავეს, თუმცა საპყრობილე მაშინ მალე დატოვა. მოკლულის ოჯახის წევრები ფიქრობენ, რომ ქალმა მეზობელი ამოიცნო და სწორედ ამის შემდეგ გაუსწორდა მკვლელი მსხვერპლს ასე სასტიკად.

“კვირის პალიტრა” მოკლული ქალის მაზლს, ტარიელ გიორგაძეს ესაუბრა.

– ჩემი რძალი იმ საბედისწერო დღეს სახლში მარტო იყო. ჩემი ძმა გომისმთაზე მუშაობდა. რძალი ძალიან მეოჯახე, მშრომელი, პატიოსანი, ღირსეული ადამიანი იყო. ასეთი ადამიანი ვერაგულად, ბარბაროსულად მოკლა სისხლისმსმელმა მკვლელმა. 60 ჭრილობა მიაყენა, დაჩეხილი დატოვა და თვითონ გაიქცა ტრაგედიის ადგილიდან. დანაშაული კორპუსის ბინაში მოხდა. ბინა პირველი სართულზეა. ცივსისხლიანი მკვლელი მეზობლად ცხოვრობს, გვერდით კორპუსში. დაახლოებით, 10 მეტრის რადიუსშია მკვლელის ბინა. ჩემი რძლის გაშლილ სუფრაზეა გაზრდილი ეს გარეწარი, ოჯახში მოდიოდა ხოლმე. ფულის სესხება იყო თუ სხვა სახის დახმარება, ჩემი ძმის ოჯახი ყველანაირად გვერდში ედგა. არაკაცმა კი ასე სადისტურად მოგვიკლა ჩვენი უაღრესად მშრომელი მარგო.

– ამბობენ, რომ თქვენმა რძალმა წინა დღეებში გაყიდა თხილი და სახლში ჰქონდა 5000 ლარი და ამ თანხის გამო მოკლა მან ქალი… ხომ არ ფიქრობთ, რომ მარგომ მის სახლში შესული მამაკაცი იცნო და ამას მოჰყვა მკვლელობა?

– სოფელში ცხოვრობდნენ ჩემი ძმა და რძალი. ბუნებრივია, სოფლის მეურნეობასაც მისდევნენ. სოფელში ზოგი თხილს ყიდის, ზოგი რაღაცას, ზოგი მუშაობს სადღაც და თავის ნაშრომს აგროვებს. ჩემს რძალსაც გარკვეული რაოდენობის თანხა ჰქონდა სახლში – სულ 5300 ლარი. ეს ფული ბინიდან წაღებული არ არის, ეტყობა ვერ მოასწრო წაღება მკვლელმა. როგორც ჩანს, ჩემმა რძალმა საყაჩაღოდ შესული მეზობელი იცნო და ამას მოჰყვა სადისტური მკვლელობა. 60 ჭრილობა აქვს მიყენებული, ბოლოს ყელში არტერიაც კი გადაუჭრა…. ბარბაროსი, მანიაკი, არც კი ვიცი, რა სახელი ვუწოდო…

– მეზობლები ამბობდნენ, რომ ქალი შველას ითხოვდა, მათ ხმები ესმოდათ… რატომ არ მიეშველა არავინ?

– ეს არის მჭიდროდ დასახლებული უბანი. ოთხი კორპუსია და დაახლოებით, 20 მეზობელი. ვიცით, რომ ზედა მეზობელმა გაიგონა მარგოს ხმა. ქალბატონი ჩამოვიდა ქვემოთ და ნახა, რომ ბინაში შუქები გათიშული იყო. ჩემი ძმის სახლის კართან მივიდა, დაუკაკუნა და რა გჭირსო? – დაუძახა. იქიდან მარგომ ისევ შველა ითხოვა, აუხსნა – იატაკიდან ვერ ვდგები და დამეხმარეო. რკინის კარი იყო შიგნიდან ჩაკეტილი და ეს ქალბატონი გარედან ვერ გააღებდა მას. წავიდა გვერდით კორპუსში, გააღვიძა მეზობლები და ორი მათგანი მოიყვანა დასახმარებლად – ისინიც ქალბატონები იყვნენ. როცა მოვიდნენ, ბინიდან ხმა უკვე აღარ ისმოდა. ანუ მკვლელი ეტყობა უკვე გაქცეული იყო. იფიქრეს, აქ არაფერი ხდებაო. ამ ქალს არ დაუჯერეს, ვინც ეს ამბავი მათ გააგებინა და წავიდნენ. მეორე დილით, დილის რვა საათზე ხელმეორედ რომ მოაკითხეს მარგოს და ბინიდან ისევ ხმა რომ არავინ გასცა, ამის შემდეგ ატეხეს განგაში, გამოიძახეს სამაშველო, პოლიცია და გაირკვა, რაც მოხდა.

– იმ დღესვე რატომ არ მიმართეს პოლიციას?

– არ ვიცი , რა გითხრათ. გულგრილობა სახეზეა. იქნებ გადარჩენილიყო მარგო, რატომ მოიქცნენ ასე, დღემდე აუხსნელია. გამოძიებამ უნდა გაგვცეს პასუხი ამაზე…

ქალი, რომელიც მეზობლებთან გადავიდა და ეს ამბავი მათ მოუყვა, შეზღუდული შესაძლებლობის მქონე პირია და ეტყობა მისი ნათქვამი არ მიიღეს სარწმუნოდ, არ დაუჯერეს, მაგრამ როდესაც დილის რვა საათზე ხელმეორედ მოვიდნენ, დაიწყეს ტელეფონზე რეკვა, ბინიდან ზარის ხმა ისმოდა და რომ ისევ არავინ უპასუხა, ამის შემდეგ მიმართეს ზომებს…

საოცრად კარგი ადამიანი იყო მარგო. ექვსი შვილის გამზრდელი დედა. ჩემმა რძალმა აღზარდა ოთხი ობოლი შვილი და ორი კიდევ საკუთარი ბიოლოგიური შვილი. ყველა ვაჟკაცურად გაზარდა. ძალიან დიდი ავტორიტეტით სარგებლობდა სოფელში.განაგრძეთ კითხვა>>>